மொழித்துறை - ஸ்ரீ ராமகிருஷ்ணா கலை மற்றும் அறிவியல் கல்லூரி - கோயமுத்தூர்

                                                                                 நன்னூல்                                                         ஆசிரியர் :  பவணந்தி முனிவர்.   பாடஞ்சொல்லலின் வரலாறு ஈதல் இயல்பே இயம்பும் காலைக் காலமும் இடனும் வாலிதின் நோக்கி சிறந்துழி இருந்துதன் தெய்வம் வாழ்த்தி உரைக்கப்படும் பொருள் உள்ளத்து அமைத்து விரையான் வெகுளான் விரும்பி முகமலர்ந்து கொள்வோன் கொள்வகை அறிந்து அவன் உளங்கொளக் கோட்டமில் மனத்தின் நூல் கொடுத்தல் என்ப ( 36)   மாணாக்கனது வரலாறு தன்மகன் ஆசான் மகனே மன்மகன் பொருள் நனி கொடுப்போன் வழிபடுவோனே உரைகோளாளற்கு உரைப்பது நூலே ( 37) அன்னம் மாவே மண்ணொடு கிளியே இல்லிக்குடம் ஆடு எருமை நெய்யரி அன்னர் தலை இடை கடை மாணாக்கர் ( 38) களிமடி மானி காமி கள்வன் பிணியன் ஏழை பிணக்கன் சினத்தன் துயில்வோன் மந்தன் தொன்னூற்கு அஞ்சித் தடுமாறு உளத்தன் தறுகணன் பாவி படிறன் இன்னோர்க்கு பகரார் நூலே ( 39)   கோடன் மரபே கூறும் காலைப் பொழுதொடு சென்று வழிபடன் முனியான் குணத்தொடு பழகி அவன் குறிப்பிற் சார்ந்து இருவென இருந்து சொல்லெனச் சொல்லிப் பருகுவன் அ

  நன்னூல் (ஆசிரியர்:  பவணந்தி முனிவர்) விளக்கம்   கற்பிக்கும் முறை  பாடம் சொல்லும் முறை பற்றி குறிப்பிடும்பொழுது, சொல்லிக் கொடுப்பதற்கான சரியான நேரத்தையும், இடத்தையும் தேர்ந்தெடுத்து சரியான முறையில் இருந்து சொல்லிக்கொடுக்க வேண்டும். கற்பிக்க தொடங்கும் முன் தான் விரும்பி வணங்கக்கூடிய கடவுளை நினைத்து வணங்கி, எதைச் சொல்லிக்கொடுக்கப் போகிறோமோ அப்பாடப்பொருளை எப்படி எல்லாம் சொல்லிக் கொடுக்க வேண்டும் என்பதை மனதில் திட்டமிட்டுக் கொள்ள வேண்டும். பின்பு, பாடத்தை வேகமாக இல்லாமல் நிதானமாக எடுக்க வேண்டும். மாணவர்கள் மீது கோபம் கொள்ளாமலும் அன்புடனும் முகமலர்ச்சியுடனும் மாணவர்களின் உள்வாங்கிக் கொள்ளும் தன்மையை அறிந்து அவர்களது மனதில் பதியும்படி தெளிவான மனநிலையுடன் கற்பிக்கவேண்டும். (நூற்பா எண் - 36)   கற்பித்தலுக்கு உரியோர் ஒரு ஆசிரியர் தனது மகனுக்கும், தனது ஆசிரியரின் மகனுக்கும், அரசனது மகனுக்கும், அதிக பொருட்களைக் கொடுத்தேனும் பாடம் கற்க எண்ணுவோனுக்கும், தன்னை வழிபடுவோனுக்கும், தன்னால் கற்பிக்கப்படுவனவற்றை விரைவாகக் கற்றுக் கொள்ளும் அறிவுடையோனுக்கும் நூல் பொருளைக் கற்பிக்கலாம். (நூற்பா எண